06.03.2017

Umhverfis- og skipulagsráð - 263

 

 

Umhverfis- og skipulagsráð Vestmannaeyja - 263. fundur

 

haldinn í fundarherbergi Umhverfis- og framkvæmdasviðs,

6. mars 2017 og hófst hann kl. 16:05

 

 

Fundinn sátu:

Margrét Rós Ingólfsdóttir formaður, Kristinn Bjarki Valgeirsson aðalmaður, Ingólfur Jóhannesson aðalmaður, Esther Bergsdóttir aðalmaður, Georg Eiður Arnarson aðalmaður, Sigurður Smári Benónýsson starfsmaður sviðs og Ólafur Þór Snorrason framkvstj.sviðs.

 

Fundargerð ritaði:  Sigurður Smári Benónýsson, skipulags-og byggingarfulltrúi

 

 

 

Dagskrá:

 

1.  

201604099 - Deiliskipulag í austurbæ.

 

Lögð fram tillaga að nýju deiliskipulagi af norðurhluta austurbæjar. Skipulagið er unnið af skipulagshönnuðum Alta ehf.

 

Ráðið felur skipulagsfulltrúa að kynna framlagða tillögu fyrir hagsmunaaðilum.

 

   

2.  

201702025 - Miðstræti 19. Umsókn um byggingarleyfi.

 

Tekið fyrir að nýju umsókn um viðbyggingu. Gísli Ingólfsson óskar er eftir byggingarleyfi fyrir sólstofu ofan á viðbyggingu sbr. innsend gögn. Erindið var sent til grenndarkynnignar og bárust ráðinu tvö bréf.

 

Í ljósi þeirra athugasemda sem borist hafa, sem og að umrædd stækkun samræmist ekki deiliskipulagi svæðisins er umsókn synjað.

 

   

3.  

201703012 - Heiðarvegur 5. Umsókn um byggingarleyfi

 

Sævar Þór Hallgrímsson sækir um leyfi fyrir stækkun á jarðhæð til austurs sbr. innsend gögn.

 

Ráðið samþykkir með tilvísan til 2. mgr. 43. gr. skipulagslaga nr. 123/2010 að framlögð gögn verði grenndarkynnt fyrir lóðarhöfum að Heiðarvegi 3, 7, 9a, 9b og Herjólfsgötu 4, 6, 8 og 10.

 

   

4.  

201703028 - Bárustígur 11. Stöðuleyfi og breytingar á lóð.

 

Sigurður Friðrik Gíslason fh. húseigenda sækir um stöðuleyfi fyrir veitingatjaldi og leyfi fyrir breytingum á austurlóð sbr. innsend gögn. Fyrir liggur samþykki meðeigenda.

 

Erindi samþykkt.

 

   

5.  

201703018 - Vestmannabraut 37. Bréf til skipulagsráðs.

 

Tekið fyrir bréf eigenda að Vestmannabraut 37 eh.

 

Ráðið getur ekki orðið við óskum bréfritara um stækkun lóðar.
Ráðið áréttar fyrri bókun sína frá 2015 að lóðarskiki sem um er sótt, á milli Skólavegs 1 og Vestmannabrautar 37, var skilinn eftir í deiliskipulagi miðbæjar að beiðni f.v. eigenda beggja eigna í þeim tilgangi að þar væri hægt að geyma sorpílát fyrir Skólaveg 1 og Vestmannabraut 37. Þá vill ráðið árétta við bréfritara að allar framkvæmdir við lóðarmörk eru háðar samþykki beggja aðila og á það einnig við um girðingar.
Ráðið tekur alvarlega ábendingum bréfritara um að umgengni sé ábótavant og felur byggingarfulltrúa að ræða við Heilbrigðiseftirlit Suðurlands.

 

   

6.  

201703030 - Kleifar 8. Umsókn um byggingarleyfi

 

Halldór Hjörleifsson fh. lóðarhafa sækir um byggingarleyfi fyrir atvinnuhúsnæði sbr. innsend gögn.

 

Ráðið samþykkir byggingaráform.

 

   

7.  

201610058 - Ofanbyggjaraland. Samningar.

 

Fyrir liggur bréf frá eigendum í Eystra Þorlaugargerði dags. 2.3.2017.

 

Á 262 fundi ráðsins þann 20 feb. s.l. var bókað
Eystra-Þorlaugargerði: samþykkt að tún nr. 10. og 11. sunnan vegar verði bætt við landið. Landamörk við Skátastykki verður breytt með þeim hætti að vegslóði verður hluti af landi Skátastykkis.

Skátastykki: samþykkt að vegslóði við landamörk Eystra Þorlaugargerðis verði hluti af lóð Skátafélagsins.

Í framhaldi bárust athugasemdir sem ráðið telur mikilvægt að skoðaðar verði betur. Ráðið frestar afgreiðslu erindis til að leiða málið til frekari sáttar.

 

   

                                                                                  

Fleira ekki gert. Fundi slitið kl. 18:00

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159