03.04.2017

Náttúrustofa Suðurlands - Fundargerð

 
                                                Stjórnarfundur í Náttúrustofu Suðurlands  
 
                                                                 3. apríl 2017, kl. 13.00

Fundurinn er haldinn  fundarsal á 3ju hæð  í  húsnæði Þekkingarseturs Vm.  Strandvegi  50 Vm.

Mættir voru: Rut Haraldsdóttir, (RH) form.,  Arnar Sigurmundsson(AS)  og Stefán Ó. Jónasson.(SÓJ)  Á fundinn mættu einnig,  Ingvar Atli Sigurðsson, (IAS)  forstöðumaður NS og Páll Marvin Jónsson, (PMJ) framkvæmdastjóri ÞSV.

 

Fundargerð ritaði:

1.        mál.    Fundargerð síðasta fundar undirrituð  af öllum fundarmönnum.

 

2.        mál.    Fjárhagsstaða NS.

Farið var yfir fjárhagsstöðu stofunnar frá áramótum. Reksturinn stefnir í  halla nema til komi auknar tekjur vegna aukinna verkefna.  Farið yfir fyrirliggjandi fjárhagsáætlun vegna Lundaverkefnis sumarsins sem er um 12 milljónir kr. og þar af eru styrkir að upphæð 5 milljónir kr.  Framlag NS í verkefninu er 7 milljónir sem er að mestu  vinnuframlag starfsmanns  NS við verkefnið. 

Á fjárlögum ársins 2017 var framlag til stofunnar skert um 1,8 millj. sem leiðir einnig af sér minna fjárframlag frá Vestmannaeyjabæ. Þetta þýðir lækkun um 2,3 millj. kr. eins og áður hefur komið fram.  Verður að bregðast við þessum niðurskurði ef ekki verður breyting til hækkunar á framlagi ríkisins. 

 

3.        mál.    Fyrirliggjandi verkefnastaða NS sumarið  2017

Rætt um Lundarannsókn sumarsins 2017.  Áður en lagt verður af stað í rannsóknina þarf að liggja fyrir kostnaðaráætlun í samræmi við fyrirliggjandi styrk úr veiðikortasjóði  vegna verkefnisins.  Einnig þarf að liggja fyrir hvíldartímaálag og frítími starfsmanna sem ávinnst vegna yfirvinnu á verkefnatíma þannig að  viðbótar orlof safnist ekki upp í miklum mæli  að ferð lokinni.    Reiknað er með að fara af stað í fyrri lundahringinn  þann 6. júní til 17. júní og seinni  hringinn  17. júlí -26. Júlí nk.

Vöktun fyrir veðurstofu Íslands verður haldið áfram á Stórhöfða og er farið vikulega í það verkefni.

Stjórn hvetur starfsmenn til að vera áfram vakandi yfir því að nálgast önnur verkefni og styrki til verkefna ef einhverjir eru.

 

 

Fundi slitið kl. 13.55

 

 

 
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159