14.06.2017

Framkvæmda- og hafnarráð - 205

 
 Framkvæmda- og hafnarráð Vestmannaeyja - 205. fundur

 

haldinn í fundarherbergi Umhverfis- og framkvæmdasviðs,

14. júní 2017 og hófst hann kl. 12.00

 

 

Fundinn sátu:

Sigursveinn Þórðarson formaður, Jarl Sigurgeirsson aðalmaður, Sindri Ólafsson aðalmaður, Stefán Óskar Jónasson aðalmaður og Ólafur Þór Snorrason framkvstj.sviðs.

 

Fundargerð ritaði:  Ólafur Þór Snorrason, framkvæmdastjóri umhverfis- og framkvæmdasviðs

 

 

 

Dagskrá:

 

1.  

201706009 - Gólfefni stóra sal íþróttamiðstöðvar

 

Farið yfir stöðuna á gólfefninu í stóra sal Íþróttamiðstöðvar. Áhyggjur eru vegna fjöðrunar gólfefnis með tilliti til iðkenda. Skv. skoðun starfsmanna Vestmannaeyjabæjar og umsagnar notenda þá er ljóst að gólfefnið uppfyllir ekki þær kröfur lengur sem gerðar eru til gólfefnis í íþróttasal.
Fyrir liggja tvö tilboð í nýtt gólfefni, annars vegar frá Agli Árnasyni ehf. að upphæð kr. 56.900.400, og hinsvegar frá Sporttæki ehf. að upphæð kr. 39.260.561

 

Ráðið tekur undir áhyggjur iðkenda og starfsmanna um gæði núverandi gólfefnis. Ráðið samþykkir að óska eftir við bæjarráð að veitt verði aukafjárveiting á árinu 2017 að upphæð 43 milljónir króna svo ráðast megi í endurbætur sem fyrst. Ráðið samþykkir að fela starfsmönnum að ganga til samninga við Sporttæki ehf. með fyrirvara um samþykki bæjarráðs. Ennfremur leggur ráðið áherslu á að áfram verði unnið að endurbótum vegna þakleka.

 

   

2.  

201706014 - Breyting á deiliskipulagi á hafnarsvæði H-2, stækkun svæðis.

 

Fyrir liggur tillaga að breyttu skipulagi á H-2, hafnarsvæði. Breytingin felur í sér að olíubirgðarstöð er sett innfyrir skipulagsmörk H-2. Óskað er eftir umsögn Framkvæmda- og hafnarráðs.

 

Ráðið gerir ekki athugasemdir við fyrirhugaðar breytingar á deiliskipulagi H-2

 

   

3.  

201503032 - Endurskoðun Aðalskipulags Vestmannaeyja.

 

Kynning á Aðalskipulagi Vestmannaeyja 2015-2035. Óskað er eftir umsögn Framkvæmda- og hafnarráðs

 

Ráðið frestar erindinu til næsta fundar.

 

   

 

4.  

201606074 - Dalhraun 3 - Hraunbúðir viðbygging

 

Fyrir liggur verkfundagerð nr.12 frá 30. maí og 13 frá 13. júní 2017.

 

Ráðið samþykkir fyrirliggjandi verkfundagerðir en áréttar að nauðsynlegt sé að uppfæra verkáætlun til samræmis við þær tafir sem orðið hafa.

 

   

5.  

201507048 - Barnaskóli, utanhússviðgerðir

 

Fyrir liggur verkfundagerð nr.2 frá 13. júní 2017.

 

Ráðið samþykkir fyrirliggjandi verkfundagerð

 

   

6.  

201610062 - Fráveita frá Botni að útrás Eiði

 

Fyrir liggur verkfundagerð no.5 frá 29. maí 2017.

 

Ráðið samþykkir fyrirliggjandi verkfundagerð

 

   

 

 

 

 

                                                                                           

Fleira ekki gert. Fundi slitið kl. 13.20

 

 

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159