22.08.2017

Framkvæmda- og hafnarráð - 207

 
 Framkvæmda- og hafnarráð Vestmannaeyja - 207. fundur
 
haldinn í fundarherbergi Umhverfis- og framkvæmdasviðs,
22. ágúst 2017 og hófst hann kl. 16:30
 
 
Fundinn sátu:
Sigursveinn Þórðarson formaður, Jarl Sigurgeirsson aðalmaður, Sæbjörg Snædal Logadóttir aðalmaður, Stefán Óskar Jónasson aðalmaður, Davíð Guðmundsson 4. varamaður og Ólafur Þór Snorrason framkvstj.sviðs.
 
Fundargerð ritaði: Ólafur Þór Snorrason, framkvæmdastjóri umhverfis- og framkvæmdasviðs
 
  
Dagskrá:
 
1. 201707052 - Dalhraun 1 Viðbygging
22.ágúst voru opnuð tilboð í viðbyggingu á Dalhrauni 1, Kirkjugerði.
Eitt tilboð barst frá Húsatækni ehf. upp á kr. 49.923.989
Kostnaðaráætlun hönnuða kr. 49.884.700
Ráðið samþykkir að fela framkvæmdastjóra að ganga til samninga við bjóðanda á grundvelli fyrirliggjandi tilboðs.
  
2. 201706164 - Bann við notkun svartolíu á norðurslóðum
Erindi frá Náttúruverndarsamtökum Íslands og Hafnasambandi Íslands þar sem óskað er eftir áliti framkvæmda- og hafnarráðs á ályktum um bann við notkun svartolíu á norðuslóðum.
Ráðið tekur undir ályktun Náttúruverndarsamtaka Íslands þar sem lagt er til bann við notkun svartolíu sem eldsneyti á skip innan þess svæðis sem IMO hefur skilgreint sem norðurslóðir og að skilgreina hafsvæði norðan 60. breiddargráðu sem ECA svæði.
  
3. 201708064 - Tjón á Skipalyftukanti
22.ágúst varð tjón að bryggjukanti við upptökumannvirki Vestmannaeyjahafnar. Ljóst er að tjónið er mikið og gera þarf ráðstafanir til að koma í veg fyrir meira tjón.
Ráðið felur starfsmönnum að gæta hagsmuna Vestmannaeyjahafnar og reyna að lágmarka tjón sem framast er unnt.
  
4. 201704191 - Afgreiðslusvæði Herjólfs
Formaður og framkvæmdastjóri greindu frá stöðu mála varðandi skipulag afgreiðslusvæðis Herjólfs. Fram kom að erindi hefur verið sent til Vegagerðarinnar og óskað eftir þeirra athugasemdum á hugmyndum vinnuhópsins. Svar hefur ekki borist.
Ráðið ítrekar nauðsyn þess að unnið sé hratt og markvisst að því að laga aðstöðu við Herjólf vegna komu nýs skips sumarið 2018. Ljóst er að framkvæmd hugmynda vinnuhópsins um bætta aðstöðu munu taka tíma og því nauðsynlegt að hefja framkvæmdir sem fyrst.
 
5. 201606074 - Dalhraun 3 - Hraunbúðir viðbygging
Fyrir liggur verkfundagerð nr.16 frá 25.júlí 2017
Ráðið samþykkir fyrirliggjandi verkfundagerð.
  
6. 201610062 - Fráveita frá Botni að útrás Eiði
Fyrir liggur verkfundagerð nr. 6 frá 9.ágúst2017 vegna fráveiturlagnar í Botni að Eiði
Ráðið samþykkir fyrirliggjandi verkfundagerð
  
7. 201507048 - Barnaskóli, utanhússviðgerðir
Fyrir lágu verkfundagerðir nr. 3 frá 27.júní 2017, nr. 4 frá 11.júlí 2017 og nr. 5 frá 25.júlí 2017 vegna utanhússviðgerða á Barnaskóla Vestmannaeyja
Ráðið samþykkir fyrirliggjandi verkfundagerðir.
 
 
 
 
Fleira ekki gert. Fundi slitið kl. 17:50
 
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159