Fræðsluráð - 308 -

1.

Mat á stöðu stoðkerfis GRV - 201809110

Umræður um stoðkerfi Grunnskóla Vestmannaeyja

Niðurstaða

Fræðsluráð leggur til að stofnaður verði starfshópur sem fær það verkefni að meta stöðu stoðkerfis Grunnskóla Vestmannaeyja. Í starfshópnum munu sitja skólastjóri GRV, tveir kennarar sem skipaðir af Kennarafélagi Vestmannaeyja, fulltrúi foreldrafélagsins, formaður fræðsluráðs og fræðslufulltrúi. Áður hefur verið fjalla um úrbætur á skólastarfi meðal annars á fundi fræðsluráðs nr. 297. Er stofnun þessa hóps næsta skref í að efla skólastarf í Vestmannaeyjum. Niðurstöður hópsins skulu skilast til fræðsluráðs fyrir 15. nóvember nk. Samþykkt samhljóða.

2.

Umferðaröryggi leik- og grunnskólabarna - 201809109

Umræður um umferðaröryggi leik- og grunnskólabarna

Niðurstaða

Fræðsluráð leggur til að gert verði átak í umferðaröryggi leik- og grunnskólabarna. Ráðið felur framkvæmdastjóra að afla upplýsinga um slysatíðni og fjölda umferðaslysa barna hjá lögreglu. Jafnframt felur ráðið framkvæmdastjóra fjölskyldu- og fræðsusviðs að fara þess á leit við umhverfis- og skipulagsráð að skoða m.a. merkingar gangbrauta, fjölda umferðaskilta og merkingar við gatnamót með umferðaröryggi að leiðarljósi. Samþykkt samhljóða.

3.

Þjónustukönnun leikskóla - 201808135

Framhald af 3. máli 307. fundar fræðsluráðs.

Niðurstaða

Fræðslufulltrúi fór yfir drög að þjónustukönnun varðandi sumarlokun leikskóla. Ráðið þakkar kynninguna og felur fræðslufulltrúa áframhaldandi vinnu við könnunina í samræmi við umræður sem fóru fram á fundinum. Samþykkt samhljóða.

4.

Starfsáætlanir leikskóla - 201212028

Starfsáætlun Sóla lögð fram

Niðurstaða

Helga Björk Ólafsdóttir leikskólastjóri Sóla fór yfir starfsáætlun leikskólans Sóla skólaárið 2018 - 2019. Ráðið þakkar kynninguna.

5.

Dagvistun í heimahúsum - 201105032

Umsóknir um endurnýjun dagvistunarleyfa lagðar fram.

Niðurstaða

Umsóknir frá Kristínu Halldórsdóttur og Söndru Gísladóttur um endurnýjun leyfa til daggæslu barna í heimahúsi að Hrauntúni 10 lagðar fram. Fræðsluráð samþykkir erindið enda uppfylla umsækjendur skilyrði reglugerðar fyrir leyfisveitingu.

6.

Ósk um styrk fyrir kostnaði við fyrirlestur - 201808105

Afgreiðsla á styrkbeiðni frá Kennarafélagi Vestmannaeyja

Niðurstaða

Kennarafélag Vestmannaeyja óskar eftir styrk til að standa straum af kostnaði við fyrirlestur á haustþingi félagsins. Ráðið samþykkir styrk upp á kr. 45.000,-.

7.

Trúnaðarmál fræðsluráðs - 201807073

Undir þessum lið er fjallað um öll erindi sem falla undir trúnaðarmál.

Niðurstaða

Niðurstöður trúnaðarmála er færð í sérstaka trúnaðarmálabók fræðslusráðs.