17.07.2019

Fjölskyldu- og tómstundaráð - 231

 
 Fjölskyldu- og tómstundaráð - 231. fundur

Fjölskyldu- og tómstundaráðs

haldinn í fundarsal Ráðhúss,

17. júlí 2019 og hófst hann kl. 12:00

 

Fundinn sátu:

Helga Jóhanna Harðardóttir formaður, Hrefna Jónsdóttir varaformaður, Páll Marvin Jónsson aðalmaður, Gísli Stefánsson aðalmaður, Hafdís Ástþórsdóttir aðalmaður, Guðrún Jónsdóttir starfsmaður sviðs og Jón Pétursson framkvstj.sviðs.

 

 

Fundargerð ritaði:  Jón Pétursson, framkvæmdastjóri fjölskyldu- og fræðslusviðs

 

 

Dagskrá:

 

1.

Fundargerð trúnaðarmála fyrir fjölskyldu- og tómstundaráð. - 200704148

 

Undir þennan lið falla trúnaðarmál sem lögð eru fyrir ráðið og eru færð í sérstaka trúnaðarmálabók.

   
 

Niðurstaða

 

Fundargerð trúnaðarmála er færð í sérstaka trúnaðarmálabók.

     

2.

Jafnréttisáætlun Vestmannaeyjabæjar - 200809002

 

Samkvæmt 2. mgr. 12. gr. laga nr. 10/2008 um jafna stöðu og jafnan rétt kvenna og karla skulu sveitarfélög setja sér jafnréttisáætlun til fjögurra ára. Jafnréttisáætlun skal lögð fram til samþykktar í sveitarstjórn eigi síðar en ári eftir sveitarstjórnarkosningar.
Fyrir liggja drög að Jafnréttisáætlun 2019-2023.

   
 

Niðurstaða

 

Ráðið þakkar kynninguna á umræddum drögum og mun taka málið aftur fyrir í ágúst.

     

3.

Þjónustuíbúðir fyrir aldraða - 201610073

 

Uppfærðar reglur um þjónustuíbúðir fyrir aldraða.

   
 

Niðurstaða

 

Fyrir liggja uppfærðar reglur um þjónustuíbúðir fyrir aldraða. Ráðið samþykkir fyrirliggjandi breytingar.

     

4.

Félagslegar leiguíbúðir Vestmannaeyjabæjar - 200703210

 

Uppfærðar reglur um félagslegt leiguhúsnæði Vestmannaeyjabæjar.

   
 

Niðurstaða

 

Fyrir liggja uppfærðar reglur um félagslegt leiguhúsnæði Vestmannaeyjabæjar. Ráðið samþykkir fyrirliggjandi breytingar.

     

5.

Leikvellir almennt - 201903032

 

Framkvæmdatjóri fjölskyldu- og fræðslusviðs fer yfir staðsetningu, fjölda og ástand leikvalla hjá Vestmannaeyjabæ.

   
 

Niðurstaða

 

Ráðið þakkar framkvæmdarstjóra fyrir kynninguna. Mikilvægt er að hafa nokkur lítil leiksvæði í bænum fyrir utan stóru leikskvæðin eins og skólalóðir, leikskólalóðir, Stakkó og Herjólfsdal. Ráðið telur mikilvægt að hafa leiksvæði dreifð um bæinn skv. aðalskipulagi og sinna viðhaldi á öllum leikvöllum vel. Ráðið felur framkvæmdastjóra fjölskyldu- og fræðslusviðs að fylgja málinu eftir í samstarfi við umhverfis- og tæknisvið.

     

6.

Heilsuefling fyrir eldri borgara - 201811022

 

Kynning á stöðu heilsueflingar fyrir eldri borgara

   
 

Niðurstaða

 

Ráðið fagnar undirritun verkefnisins við Janus Heilsueflingu. Ráðið hvetur bæjarbúa 65 ára og eldri til þess að nýta sér verkefnið og mæta á kynningarfund sem haldinn verður á næstunni. Markmið verkefnisins er meðal annars að gera fólk hæfari til að takast á við breytingar sem fylgja hækkandi aldri. Með markvissri þátttöku í þol- og styrktaræfingum auk ráðgjafar um holla næringu og aðra heilsueflandi þætti getur fólk spyrnt við fótum gegn öldrunareinkennum samhliða því að bæta heilsu sína og lífsgæði.

     

7.

Hvatning frá UNICEF um að sveitarfélög setji sér heildstætt og samræmt verklag, vegna gruns um ofbeldi og vanrækslu fyrir stofnanir sem starfa með börnum - 201907001

 

Hvatning til sveitarfélaga að setja sér heildstætt og samræmt verklag, vegna gruns um ofbeldi og vanrækslu fyrir stofnanir sem starfa með börnum.

   
 

Niðurstaða

 

Ráðið þakkar Unicef fyrir hvatninguna en sveitarfélagið hefur þegar hafið vinnu við að uppfæra og samræma verklagsreglur. Jafnframt að setja upp heildstætt og samræmt verklag vegna gruns um ofbeldi og vanrækslu sem gilda fyrir allar stofnanir sem starfa með börnum. Starfsmenn félagsþjónustu munu fylgja málinu eftir m.a. með kynningu og fræðslu.

     

8.

Hraunbúðir - 200811057

 

Staða fjárhagsáætlunar við 4ra mánaða uppgjör.

   
 

Niðurstaða

 

Ráðið þakkar kynninguna.

     

9.

Barnaverndarvaktir á Þjóðhátíð í Eyjum - 200707220

 

Bakvaktir barnaverndarnefndar á Þjóðhátíð 2019.

   
 

Niðurstaða

 

Barnaverndarbakvaktir verða, líkt og síðastliðin ár, starfræktar frá fimmtudagskvöldi til mánudagskvölds. Starfsmenn Fjölskyldu- og fræðslusviðs munu sinna bakvöktunum. Jafnframt samþykkir ráðið að semja við aðila um greiðslur fyrir að vera til taks til að veita börnum móttöku í bráðatilvikum ef þörf krefur.

Fjölskyldu- og tómstundaráð beinir því til foreldra og forráðamanna að börn undir 18 ára aldri eru ólögráða og á ábyrgð foreldra. Þetta gildir einnig um gestkomandi börn, þau þurfa að vera á ábyrgð fullorðinna einstaklinga.

     
                                                       

Fleira ekki gert. Fundi slitið kl. 13:55

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159