Frístundaverið - lengd viðvera
 
Foreldrum barna í 1. - 5. bekk gefst kostur á að hafa börn sín í lengdri viðveru eftir hefðbundinn skólatíma á tímabilinu kl. 12.30 – 16.30. Fötluð börn og börn í 1. bekk eru í forgangi. Forráðamenn fatlaðra barna í 6. – 10. bekk geta sótt um sértækt úrræði fyrir börn sín þar sem áhersla verður lögð á einstaklingsmiðuð úrræði.
Heilsdagsvistun er starfrækt frá því að skóla lýkur á daginn og til kl. 16.30. Foreldrar ráða hve mikið af tímanum þeir nýta sér, en þeir þurfa að skrá og skila inn skipulagi yfir hvernig þeir ætla að nýta hann þegar þeir hafa séð hvernig skóladagur barna þeirra lítur út. Ef skipulag breytist þarf að láta vita um það með góðum fyrirvara.
 
Starfstími: Leitast verður við að hafa Frístundaverið opið frá kl. 12.30 til 16.30 alla virka daga skólaársins skv. dagatali skóladagatals. Þó verður Frístundaverinu lokað kl. 15.00 fimm sinnum á starfstímanum vegna starfsmannafunda (sjá skóladagatal).
Greitt er mánaðargjald fyrir þessa þjónustu auk kostnaðar við síðdegishressingu. Frístundaverið er stafrækt í Þórsheimilinu.
 
Þann tíma sem börnin dvelja í frístundaverinu er reynt að hafa jákvæð uppeldisleg áhrif á þau, bæta andlega og líkamlega líðan þeirra og gera þeim kleift að njóta hæfileika sinna og ná sem bestum árangri í leik og starfi.

Forráðamenn barns eru þeir aðilar sem fyrst og fremst bera ábyrgð á uppeldi þess. Í starfsemi frístundavers er rík áhersla lögð á samstarf við forráðamenn. Frístundaverið leggur einnig áherslu á gott samstarf við grunnskólann, tónlistarskólann og aðra íþrótta- og æskulýðsstarfsemi.
  
Heimilisfang:
Þórsheimilinu við Hamarsveg
900 Vestmannaeyjar

Sími:
481 2964
 
Netfang:
anton@vestmannaeyjar.is
 
Forstöðumaður:
Anton Örn Björnsson
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159