Hvernig er að búa í Eyjum
 
Í Vestmannaeyjum er gott að búa og nefna íbúar oft þessi atriði.
 
Börn
  • Vestmannaeyjar er paradís barnafjölskyldna, uppeldisskilyrði og þjónusta er með því besta á landinu.
  • Í Eyjum þykir mjög ódýrt að vera með börnin í íþróttum miðað við sambærilega staði á landinu.
  • Vestmannaeyjar eru öruggt samfélag og Eyjan sem leikvöllur ein sér.
  • Þrettándinn er mikill hátíðisdagur barna og fullorðna í Eyjum.
  • Pæjumótið og Shellmótið eru einstök upplifun fyrir alla krakka.
 
Skólar og námskeið
  • Í Vestmannaeyjum er einn grunnskóli, Grunnskóli Vestmannaeyja. 
  • Í Eyjum er boðið upp á fjarnám við Háskólann á Akureyri, Tækniháskóla Íslands, Hólaskóla, Háskóla Íslands og Kennaraháskólann auk þess er símenntunarmiðstöðin Viska.
  • Mikið uppbyggingarstarf hefur átt sér stað í Tónlistarskólanum og þar er boðið upp á mjög fjölbreytta kennslu á góðu verði.
  • Í Eyjum er reglulega boðið upp á myndlistarnámskeið fyrir fólk á öllum aldri.
  • Boðið er upp á danskennslu í grunnskólanum í Eyjum.
  • Boðið er upp á leiklistarnámskeið í samvinnu við Leikfélag Vestmannaeyja og í grunnskólunum.
  • Söngnám stendur til boða á vegum Tónlistarskólans.
  • Allskonar námskeið standa til boða hjá Visku.
 
Íþrótta- og félagsstarf
  • Íþróttalíf Eyjanna þekkja allir og óhætt er að segja að Vestmannaeyjar séu einn helsti íþróttabær landsins.
    Golfvöllurinn í Eyjum er einstakur og hefur m.a. verið á lista yfir 200 bestu golfvelli Evrópu.
  • Öflug líkams- og heilsurækt er í Eyjum bæði í Hressó og Íþróttamiðstöðinni.
  • Í Vestmannaeyjum er ein glæsilegasta íþróttamiðstöð landsins með þremur löglegum handboltavöllum og bestu innilaug landsins.
  • Glæsilegt fjölnota íþróttahús, Eimskipshöllin.
  • Fjölbreytt úteyjarlíf.
  • Menningarlíf og félagsstarf er mjög öflugt í Eyjum og er leitun að eins öflugu félagsstarfi og gerist í Eyjum.
  • Frábær félagslíf fyrir fólk á öllum aldri t.d. 2 kvenfélög (Líknar og Landakirkju), Kvennadeild Slysavarnadeildar Eykyndils, Akóges, Sinawik, Kiwanis, Lions, Rotary, Frímúarar, Oddfellowar bæði kvenna og karla stúka, Tónsmíðafélag, Björgunarfélag, Round table, æskulýðsfélag Landakirkju og KFUM og K., Félagsmiðstöð unglinga "Féló", Skátafélagið Faxi, Leikfélag Vestmannaeyja,Vinnuskólinn á sumrin, Taflfélag Vestmannaeyja, Lúðrasveit Vestmannaeyja. Á þennan lista vantar eflaust eitthvað.
  • Kórar, Kirkjukór, Samkór, barnakórinn Litlir Lærisveinar í Landakirkju, barnakórar skólanna. Karlakór Vestmannaeyja er nýlega stofnaður, undir stjórn Þórhalls Barðasonar. Mjög gott starf er innan félags eldri borgara og ber sérstaklega að geta Vinaminni, 3.hæð í Kviku.
  • Motorcross æfingabraut í nýja hrauninu austan Eldfells.

 

Safnastarfsemi.

Í Safnahúsi Vestmannaeyjabæjar eru:

  • Bókasafn Vestmannaeyja er eitt elsta bókasafn á Íslandi.
  • Héraðsskjalasafn.
  • Byggðasafn - Landlyst, sem er staðsett á Skansinum og er elsta hús Vestmanneyja og hýsir nú læknaminjasafn.
  • Ljósmyndasafnið
  • Listasafn. Vestmannaeyingar eiga eitt stærsta safn listaverka eftir Jóhannesar S. Kjarval utan Reykjavíkur. Myndir eftir heimamennina Júlíönnu Sveinsdóttur, Sverri Haraldsson og fleiri.
  • Verið er að vinna að skrá- og uppsetningu Sigmundsafnsins.

 

Bókasöfn grunnskólanna eru í nánu samstarfi við aðalsafnið, svo er nánara samstarf Byggðasafns og Framhaldsskólans fyrirhugað. Búið að gera Byggðasafnið aðgengilegt og "notendavænt" og þar er gosminjabás með eldfjalli og hlutum tengt gosinu 1973.

 

Fiska- og náttúrugripasafnið er staðsett við Heiðarveg.

  • Líklega þekktast safnanna, eitt hið besta sinnar tegundar á landinu með lifandi fiska og sjávardýr, auk þess eru uppstoppaðir fuglar og einstakt steinasafn.

    Eldheimar.
    • ELDHEIMAR er gosminjasýning. Sýningin miðlar fróðleik um eldgosið í Vestmannaeyjum árið 1973, sem án efa telst til stærstu náttúruhamfara Íslandssögunnar.

      Uppákomur og hátíðarhöld.
      • Þrettándinn vegleg fjölskylduhátíð í janúar. 
      • Listsýningar, uppákomur og Páskaganga um páskana.
      • Listahátíð ungs fólks í apríl og fleira þeim tengt.
      • Sumardagurinn fyrsti, bæjarlistamaður útnefndur og hátíðarhöld.
      • Hvítasunnan, Dagar lita og tóna, jazzhátíð og myndlistarveisla og aðrar listsýningar.
      • Sjómannadagurinn stendur yfir fyrstu helgina í júní og skipar stóran sess sem hátíðisdagur í huga Eyjamanna.
      • 17.júní með skrúðgöngu og uppákomum.
      • Goslokahátíð í byrjun júlí.
      • Bryggjudagar um miðjan júlí.
      • Þjóðhátíð Vestmannaeyja í ágúst. 
      • Nótt safnanna á haustin.
      • Lundaball í október
      • Sjóstangveiðifélagið stendur árlega fyrir nokkrum mótum.

       

      Annað

      • Vestmannaeyjar er ein helsta náttúruperla landsins og það er ekki að ástæðulausu sem þær hafa verið kallaðar “Kaprí norðursins”.
      • Heilbrigðisþjónusta í Eyjum er öflug og nú standa yfir endurbætur á sjúkrahúsinu sem koma til með að styrkja enn frekar það starf sem þar er unnið.
      • Í könnun meðal fólks í Vestmannaeyjum kom fram að samkennd Eyjamanna væri einn helsti kostur þess að búa í Eyjum.
      • Sökum landfræðilegrar legu er þjónusta í Eyjum mun meiri en hjá sambærilegu sveitarfélagi.
        Í Vestmannaeyjum eru stuttar vegalengdir þannig að lítill tími fer í að skjótast í og úr vinnu eða að sækja og skutla krökkunum í nám eða til æfinga. Þess í stað getur fólk notað tímann til áhugamála eða að slappa af.
      • Hagstætt verð á íbúðarhúsnæði.
      • Mjög snjólétt er í Eyjum yfir vetrartímann.
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159