31.júlí 2017 - 15:38

Starf fræðslufulltrúa

Vestmannaeyjabær auglýsir lausa stöðu fræðslufulltrúa. Um er að ræða 100% starf. Leitað er að öflugum einstaklingi sem hefur metnað til að sýna árangur í starfi.

Hlutverk fræðslufulltrúa er að hafa umsjón með framkvæmd laga um fræðslumál sem og önnur verkefni sem tilheyra fræðslumálum og sveitarstjórn hefur samþykkt. Hann er ábyrgur fyrir skipulagi og starfi starfsmanna er vinna verkefni er undir hann heyra. Næsti yfirmaður er framkvæmdastjóri fjölskyldu- og fræðslusviðs.

Leitað er að áhugasömum og jákvæðum einstaklingi sem býr yfir góðri samskiptahæfni, sjálfstæði í vinnubrögðum og sveigjanleika og frumkvæði í starfi. Þarf að getað hafið starf sem fyrst.

Hæfniskröfur:

Háskólapróf sem nýtist í starfi. Þekking á rekstri. Þekking á sviði leik- og grunnskóla. Góð íslenskukunnátta. Góð tölvukunnátta. Reynsla af stjórnun æskileg.

Laun eru samkvæmt kjarasamningi viðkomandi stéttarfélags og Sambands íslenskra sveitarfélaga.

Nánari upplýsingar um starfið veitir Jón Pétursson framkvæmdastjóri fjölskyldu- og fræðslusviðs, netfang jonp@vestmannaeyjar.is

Umsókn skal skilað til þjónustuvers í Ráðhúsinu merkt „Fræðslufulltrúi“ eða rafrænt á netfangið jonp@vestmannaeyjar.is. Með umsókn skal fylgja ferilsskrá um fyrri störf og menntun ásamt kynningarbréfi þar sem gerð er grein fyrir ástæðu umsóknar og rökstuðningi fyrir hæfni í starfið. Umsóknarfrestur er til 20. ágúst 2017.

 

 

 
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159