8.janúar 2018 - 11:44

Mikil ánægja með fræðslumál og þjónustu við barnafjölskyldur

Í seinustu viku var haldinn fundur í fræðsluráði Vestmannaeyjabæjar en það ráð fer meðal annars með málefni allra skóla, daggæslu og fl. Til umfjöllunar var niðurstaða þjónustukönnunar Gallup sem gerð er árlega til að kanna ánægju með þjónustu stærstu sveitarfélaga landsins og gera samanburð þar á, ásamt því að skoða breytingar frá fyrri mælingum. 
 
Sú könnun sem nú var til umfjöllunar fór fram frá 3. nóvember til 17. desember. Ánægjulegt er að segja frá því að allir þættir sem undir ráðið falla eru yfir landsmeðaltali og ánægja eykst á milli ára. Þannig sögðust 92% þeirra sem afstöðu tóku vera ánægð með þjónustu Grunnskóla Vestmannaeyja, 88% með þjónustu leikskóla 83% með þjónustu við barnafjölskyldur.

 

Ástæða er til að fagna þessum niðurstöðum, og þá ekki síst í ljósi þess að starfsmenn eru hér að uppskera árangur erfiðis síns enda mikil áhersla verið lögð á að efla og styrkja fræðslukerfið og þjónustu við börn almennt á seinustu árum.

 

Á næstu dögum fjalla fagráðin um þann hluta þjónustukönnunarinnar sem að þeim snýr og verða niðurstöður gerðar aðgengilegar hér á Vestmannaeyjar.is sem og í fundargerðum ráða.

 

Hægt er að nálgast tölulegar upplýsingar hér: Fræðsluráð-könnun

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159