8.maí 2018 - 10:17

Starf skólastjóra Grunnskóla Vestmannaeyja

Vestmannaeyjabær auglýsir stöðu skólastjóra við Grunnskóla Vestmannaeyja lausa til umsóknar. Leitað er eftir leiðtoga með góða færni í mannlegum samskiptum, menntun og reynslu sem nýst getur til að leiða þróttmikið skólastarf og efla þátt skólasamfélagsins í bæjarfélaginu.
 
 
 
 
Hæfniskröfur:
• Leyfi til að nota starfsheitið grunnskólakennari
• Viðbótarmenntun í stjórnun eða kennslureynslu á grunnskólastigi
 
Staðan er laus frá og með 1. ágúst 2018. Umsókn merkt „Umsókn um starf skólastjóra“ sendist á drifagunn@vestmannaeyjar.is eða jonp@vestmannaeyjar.is. Ekki er sótt um á sérstökum eyðublöðum en með umsóknum skal fylgja greinargott yfirlit yfir nám og störf, leyfisbréf til kennslu, upplýsingar um frumkvæði á sviði fræðslumála, ábendingar um meðmælendur sem og almennar upplýsingar um viðkomandi.
 
Umsóknarfrestur er til og með 31. maí 2018. Nánari upplýsingar um starfið veitir Drífa Gunnarsdóttir fræðslufulltrúi í síma 488-2000, drifagunn@vestmannaeyjar.is eða Jón Pétursson framkvæmdastjóri fjölskyldu- og fræðslusviðs í síma 488-2000, jonp@vestmannaeyjar.is
 
Grunnskólinn í Vestmannaeyjum þjónar nemendum frá 1. – 10. bekk. Í skólanum eru rúmlega 500 nemendur og er skólinn starfræktur á tveimur starfsstöðvum, annars vegar í Barnaskóla v/Skólaveg og hins vegar í Hamarsskóla v/Bessahraun. Í skólastarfinu er lögð áhersla á líðan nemenda, fjölbreytta kennsluhætti, skapandi starf og góðan námsárangur. Skólinn vinnur samkvæmt hugmyndafræði og vinnubrögðum Uppeldi til ábyrgðar og eru leiðarljós skólastarfsins Gleði - Öryggi - Vinátta.
 
 
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159