2.júlí 2018 - 14:33

Ráðningar í stjórnunarstöður og sérkennslu við Grunnskóla Vestmannaeyja

Skólastjóri GRV hefur gengið frá ráðningum í þær stjórnunarstöður sem auglýstar hafa verið auk sérkennslu. Um er að ræða;

Aðstoðarskólastjóri í Hamarsskóla: Óskar Jósúason kemur til með að gegna stöðu aðstoðarskólastjóra í Hamarsskólanum.  Óskar hefur starfað við GRV frá árinu 2008, sem kennari, deildarstjóri og síðustu mánuði hefur hann gegnt starfi aðstoðarskólastjóra. Óskar er í meistaranámi á sviði Stjórnunar og stefnumótunar í HÍ.


Deildarstjóri á yngsta stigi í Hamarsskóla: Rósa Hrönn Ögmundsdóttir kemur til með að gegna stöðu deildarstjóra á yngsta stigi í Hamarsskólanum. Rósa er grunnskólakennari með meistaragráðu í Opinberri stjórnsýslu frá HÍ. Frá árinu 2002 hefur Rósa starfað sem umsjónarkennari við GRV.

 

Deildarstjóri miðstigs í Barnaskóla:  Svanhvít Friðþjófsdóttir kemur til með að gegna nýrri stöðu deildarstjóra á miðstigi í Barnaskólanum. Svanhvít er grunnskólakennari og hefur lokið meistaraprófi í Náms- og kennslufræðum með áherslu á íslensku. Svanhvít hefur starfað við kennslu í grunnskólum í Vestmannaeyjum frá árinu 1996.


Sérkennari í Barnaskóla: Herdís Rós Njálsdóttir kemur til með að gegna starfi sérkennara í Barnaskólanum. Herdís er grunnskólakennari og hefur lokið meistaraprófi í Náms- og kennslufræðum með áherslu á mál og læsi. Að auki hefur Herdís lokið fjölda námskeiða sem snúa að skimunum og inngripi í námsferil barna í grunn- og leikskólum. Herdís hefur starfað sem kennari við GRV frá árinu 2008.


Sérkennari í Barnaskóla: Marta Sigurjónsdóttir kemur til með að gegna starfi sérkennara í Barnaskólanum. Marta er grunnskólakennari og er að ljúka meistaranámi á sviði Uppeldis- og menntunarfræða með áherslu á sérkennslufræði. Á síðasta skólaári starfaði Marta sem afleysingarkennari við GRV.  


Í framhaldi af ráðningu Önnu Rósar, sem skólastjóra, hefur staða deildarstjóra á unglingastigi verið auglýst (sjá http://vestmannaeyjar.is/is/read/2018/06/29/deildarstjori-unglingastigs-vid-grunnskola-vestmannaeyja)

 
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159