7.mars 2019 - 09:56

Laus störf hjá Þjónustuíbúðum fatlaðs fólks - sumarstörf

Auglýst er eftir sumarafleysingafólki  í eftirfarandi stöður hjá Þjónustuíbúðum:

·         70-80% starf í vaktavinnu frá 3. júní til 30. september 2019

·         70-80% starf í vaktavinnu frá 3. júní til 31. ágúst 2019

·         Tímavinna þar sem afleysingar eru á tilfallandi vöktum

 
Hlutverk þjónustuíbúðanna er að veita íbúum stuðning og leiðsögn í öllu er varðar persónulega hagi og heimilisrekstur svo sem þrifnað, þvott, matreiðslu, innkaup og annað sem tilfellur. Einnig skal þeim vera veittur stuðningur í tómstundastarfi og fá fylgd s.s. til lækna, í klippingu o.s.frv. Stuðningur og leiðsögn starfsmanna skal ávallt vera með þeim hætti að hann efli sjálfstæði og færni íbúa. Um er að ræða dag-, kvöld-, nætur- og helgarvaktir.

 

Helstu verkefni:

Almenn umönnun og stuðningur við skjólstæðinga í daglegu lífi, jafnt innan sem utan heimilis. Almenn heimilisstörf. Samvinna við starfsfólk, aðstandendur og aðra þjónustuaðila íbúa.

 

Hæfniskröfur:

·                    Starfsmenn þurfa að hafa náð 18 ára aldri

·                    Gerð er krafa um hreint sakavottorð.

·                    Kostur er að hafa reynslu og áhuga á að vinna með fötluðu fólki

·                    Góð samskiptafærni og þjónustulund

·                    Frumkvæði og samviskusemi

 

Launakjör eru samkvæmt kjarasamningi Sambands íslenskra sveitarfélaga og Starfsmannafélags Vestmannaeyja (Stavey) eða Drífanda stéttarfélags.

 

Umsóknarfrestur er til 1. apríl nk. Umsóknareyðublöð liggja frammi í afgreiðslu Ráðhúss og ber að skila umsóknum þangað. Umsóknir skulu merktar „Starfsmaður á heimili fyrir fatlað fólk - sumarstarf“. Öllum umsóknum verður svarað. Með starfsumsókn skal skila sakavottorði eða veita heimild til að leitað sé upplýsinga af sakaskrá.

 

Upplýsingar um starfið veitir Ingibjörg Sigurjónsdóttir, forstöðukona Þjónustuíbúða, í síma 690-3497 eða á netfanginu ingibjorg@vestmannaeyjar.is.

Vestmannaeyjabær hvetur jafnt karla sem konur til að sækja um starfið.

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159