22.mars 2019 - 11:09

Vestmannaeyjar.is - 100 ára kaupstaðarafmæli – Allt á einum stað

Þann 1. janúar sl. voru hundrað ár frá því að Vestmannaeyjar fengu kaupstaðarréttindi og verður þess minnst með ýmsum hætti út afmælisárið með fjölbreyttri dagskrá sem þegar er hafin. 
 

Má þar nefna sýningu á verkum Kjarvals í eigu bæjarins sem haldin var á nýársdag, frímerkjasýningu helgaða Vestmannaeyjum sem haldin var 7. Febrúar sl., hátíðarfund bæjarstjórnar 14. febrúar sl. og sýningu á verkum grunnskólabarna sem lýstu sögu Eyjanna á myndrænan hátt sem opnaði daginn áður. Þá var haldinn bæjarstjórnarfundur unga fólksins þann 15. febrúar sl., sem heppnaðist mjög vel og málþingin sem bar heitið Nútíð, fortíð og framtíð Vestmannaeyja,  tækifæri og ógnanir þar sem fimm frábærir fyrirlesarar héldu erindi í anda efni málþingsins..

Áfram verður haldið en til að koma þessu öllu til skila hefur verið opnuð gátt á vestmannaeyjar.is þar sem greint verður frá því sem fram undan er sem og ýtarlega greint frá hverjum lið fyrir sig. Sumt er þegar að finna inni á vefsíðunni en nú verður þetta allt á einum stað. Er þetta hugsað fyrir áhugasama og ekki síður fyrir kynslóðir framtíðarinnar til að glugga í þegar saga Eyjanna er skoðuð og rifjuð upp.Að auki verður safnað saman tenglum sem tengjast viðburðum afmælisársins.

 

Bæjarstjórn Vestmannaeyja á afmælisárinu skipa: Helga Kristín Kolbeins, Trausti Hjaltason, Njáll Ragnarsson, Íris Róbertsdóttir, bæjarstjóri, Hildur Sólveig Sigurðardóttir, Jóna Sigríður Guðmundsdóttir og Elís Jónsson. 
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159