14.nóvember 2019 - 11:09

Vestmannaeyjar í gegnum ljósopið mitt á föstudag:

Bói Pálma, Halldór Sveins og Jói Myndó í Einarsstofu

 

Það er öflug þrenning sem mætir með myndir sínar í Einarsstofu kl. 17.00 á föstudaginn. Þeir eru Halldór Sveinsson, lögregluvarðstjóri, Jói Myndó og Sigmar Pálmason betur þekktur sem Bói Pálma.

Sýningin er hluti af Safnahelgi og sýningarröðinni, Vestmannaeyjar í gegnum ljósopið mitt og er sú níunda í röðinni.  Halldór hefur í mörg ár tekið myndir af því sem fyrir augu hans ber og ætlar hann að gefa okkur tækifæri á að kíkja aðeins í safnið.

Bói tók ómetanlegar myndir í Heimaeyjargosinu 1973 og má þakka Jóa Listó að þær enduðu ekki í glatkistunni. Jói Myndó, er unglingurinn í hópnum og hefur á ótrúlega skömmum tíma náð að sanna sig sem athyglisverður ljósmyndari.

Fólk er beðið um að athuga breyttan tíma vegna Safnahelgar og verður sýningin klukkan 17.00 á föstudaginn en ekki á laugardag. Sýningin stendur yfir í um einn og hálfan tíma. 
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159