22.nóvember 2019 - 14:25

Bræðurnir Egill og Heiðar í 11. Ljósopinu

Þegar Stefán Jónasson, í 100 ára afmælisnefnd Vestmannaeyjabæjar kom með þá uppástungu að fá ljósmyndara í bænum til að sýna myndir sínar á tjaldi í Einarsstofu óraði engan fyrir umfanginu. Reiknað var með kannski þremur eða fjórum laugardögum og kannski tíu ljósmyndurum. 

 
Reyndin varð önnur og erum við að sigla í elleftu sýninguna á morgun klukkan 13.00 og eru að minnsta kosti tvær eftir. Ljósmyndararnir eru yfir 40 og myndirnar  sennilega á bilinu 3000 til 4000. Þetta hefur verið einstaklega ánægjulegt verkefni og aðsókn farið fram úr vonum. Eru gestir að nálgast þúsundið og fara örugglega í á annað þúsundið þegar upp verður staðið.

Þeir bræður, Egill og Heiðar mæta með myndir sínar á laugardaginn og þar er farið um víðan völl, enda mennirnir sigldir og hafa tekið myndir frá unga aldri. Þetta er ellefta sýningin í sýningarröðinni, Vestmannaeyjar í gegnum ljósopið mitt. Verður eins og áður í  Einarsstofu og á gamla tímanum, kl. 13 á morgun, laugardag.

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159