15.janúar 2020 - 09:59

Mannauðsstjóri Vestmannaeyjabæjar

Vestmannaeyjabær auglýsir starf mannauðsstjóra bæjarins laust til umsóknar. Um er að ræða fullt starf og er æskilegt að viðkomandi geti hafið störf sem fyrst á nýju ári. 
 
 Mannauðsstjóri hefur umsjón með stefnumótun og stjórnun mannauðssmála í samvinnu við bæjarstjóra og framkvæmdastjóra sviðanna.

Helstu verkefni:

-          Stefnumótun og markmiðssetning í mannauðsmálum

-          Umsjón með mannauðs- og vinnuverndarmálum

-          Umsjón með jafnlaunakerfi og jafnlaunagreiningum

-          Ábyrgð persónuverndarmála

-          Umsjón, gerð og eftirfylgni reglna, ákvarðana og ferla um starfsmannamál

-          Umsjón með skipulagi fræðslu og starfsmannasamtala

-          Gerð og eftirfylgni starfsmannahandbókar

-          Stuðningur og fræðsla til framkvæmdastjóra og forstöðumanna bæjarins um mannauðsmál og persónuverndarmál

-          Eftirlit með mannauðsupplýsingum og skráningu upplýsinga í mannauðskerfi

-          Umsjón með þjónustu á sviði mannauðsmála til stjórnenda og starfsmanna

-          Umsjón með árangursmælingum og könnunum m.a. um starfslíðan starfsmanna

Menntunar- og hæfniskröfur:

-          Menntun sem nýtist í starfi, svo sem í lögfræði, stjórnun eða mannauðsfræðum

-          Víðtæk reynsla og þekking á mannauðsmálum og stefnumótun

-          Reynsla og þekking af persónuvernd eða opinberri stjórnsýslu er æskileg

-          Stjórnunarreynsla eða reynsla af verkefnastjórnun er æskileg.

-          Reynsla af stefnumótun og teymisstarfi er æskileg.

-          Góð málakunnátta og færni til að setja fram mál í ræðu og riti

-          Kunnátta og færni í Excel og Word

-          Samskiptahæfni, jákvæðni og lipurð í mannlegum samsktipum

Nánari upplýsingar um starfið veitir Jón Pétursson, framkvæmdastjóri fjölskyldu- og fræðslusviðs í síma 488-2000 eða á netfangið: jonp@vestmannaeyjar.is

Laun eru samkvæmt kjarasamningi launanefndar sveitarfélaga og viðkomandi stéttarfélags.

Vestmannaeyjabær hvetur jafnt konur sem karla til að sækja um starfið.

Umsóknum ásamt menntunar- og starfsferilskrám skal skila til Bæjarskrifstofa Vestmannaeyja, Bárustíg 15, 900 Vestmannaeyjum og merkja „mannauðsstjóri Vestmannaeyjabæjar“.  Einnig er hægt að skila umsóknum á netfangið postur@vestmannaeyjar.is

Öllum umsóknum verður svarað þegar ákvörðun um ráðningu hefur verið tekin

Umsóknarfrestur er til og með 4. febrúar nk.

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159