24.janúar 2020 - 09:11

Staða náms- og starfsráðgjafa við GRV

Staða náms- og starfsráðgjafa við Grunnskóla Vestmannaeyja er laus til umsóknar. Um er að ræða 100% afleysingastöðu til eins árs.

 

 
Viðkomandi þarf að hafa leyfisbréf sem náms- og starfsráðgjafi, vera metnaðarfullur, ábyrgur, áhugasamur, hæfni og lipurð í samskiptum er mikilvægur þáttur. Viðkomandi þarf að vera tilbúinn í öflugt samstarf, með velferð og þroska nemenda að leiðarljósi.  Í Grunnskóla Vestmannaeyja eru um 515 nemendur.

Námsráðgjafi er hluti af stoðkerfi skólans. Hlutverk námsráðgjafa er að vera talsmenn nemenda í skólanum, standa vörð um velferð nemenda og leita lausna í málum þeirra.  

Helstu verkefni náms- og starfsráðgjafa eru:

·         Ráðgjöf í námi og starfi

·         Ráðgjöf við náms- og starfsval (náms- og starfsfræðsla).

·         Persónuleg ráðgjöf og stuðningur

·         Námstækni

 

Viðkomandi þarf að hafa hreint sakavottorð. Laun eru greidd samkvæmt kjarasamningi KÍ.

Umsóknarfrestur er til 7. febrúar. nk. Ekki er sótt um á sérstökum eyðublöðum en umsókn skal fylgja ítarleg ferilská, leyfisbréf til að nota starfsheitið náms- og starfsráðgjafi auk annarra gagna er málið varðar. Umsóknum ber að skila á rafrænu formi á netfangið annaros@grv.is merkt:  Náms- og starfsráðgjafi við GRV.

Gott væri ef starfsmaður gæti hafið störf sem fyrst.

Nánari upplýsingar um starfið veitir Anna Rós Hallgrímsdóttir skólastjóri S: 488-2202, annaros@grv.is

 

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159